"Абай-дана, Абай-дара қазақта"

12.03 күні мектебімізде "Абай-дана, Абай-дара қазақта" атты қазақ тілі мен әдебиеті апталығының аясында 5-7-сыныптар арасында пән мұғалімі Айгүл Төлеуовнаның ұйымдастыруымен Абай шығармашылығын жас ұрпақтың жүрегіне терең бойлату, "сөз патшасы-өлең" құдіретінің асыл сөз маржандарын бойларына сіңірту мақсатында "Қазақтың дара туған данасы" атты әдеби кеш өткізілді. Кеш барысында оқушылар ғұлама ақынның өлең шумақтарын оқып, өнегелі өмір жолынан көрініс көрсетті, даналық, философиялық түйіндерді жинақтаған, үлгі-өнегеге толы қара сөздерінің сырына ой жүгіртті. Ақынның сыршыл әндері айтылып, ойшыл, хакім Абайдың асыл сөз маржандарына тағы бір үңіліп, ғибрат алды.